Иако минатата недела го одбија предлогот на управата платите да им бидат намалени за дури 70 проценти додека трае кризата со коронавирусот од кој Шпанија е една од најпогодените земји во светот, денеска се согласија на предлогот.

Фудбалерите на Барселона ја прифатија одлуката на челниците на Барселона и во наредниот период ќе замаат само 30 проценти од платите, а згора на тоа се согласија да уплатат одредена сума на пари за помош на вработените во клубот да не останат без работа.

– Искрено ни е жал за сите оние кои го следат секој наш потег, не гледаат под лупа и вршат притисок за нешто за што отсекогаш бевме свесни дека ќе го направиме. Разговорите течеа неколку дена за да биде најдено најдоброто можно решение,.

На  крајот беше одлучено  дека не треба само да ни бидат намалени платите за 70 проценти,  туку и ние самите да покриеме дел од трошоците за членовите од администрацијата на клубот за тие да можат да добиваат плата. Јасно е дека ова е вонредна ситуација, сега е моментот ние да им помогнеме на оние кои секогаш ни помагале на нас во клубот – изјави првата ѕвезда на Барселона, Лионел Меси.