ЗОШТО ДА НЕ: Одбојкарската федерација го предвидува резултатот на Македонија-Словенија! (ФОТО)
Да потсетиме, најдобрата македонска одбојкарска репрезентација настапи на првото Европско првенство и малку недостасуваше да обезбеди пласман во осминафиналето.
Иако не успеа во обидот да биде меѓу првите четири во групата, нашите одбојкари ги освоија срцата на љубителите на одбојката, со две победи, од кои една остварена над европскиот вицешампион Словенија.
Среде Љубљана пред полни трибини вистинско „лавовско“ срце покажаа одбојкарите совладувајќи ги Словенците со 3:1 во сетови.
Па токму таков резултат одбојкарската федерација на Македонија им посакува и на фудбалерите вечерва да слават против Словенија на Националната арена „Тодор Проески“ во Скопје, 20.45 часот.
Мечот е од голема важност, со три бода сериозно ќе се вмешаме во борбата за едно од првите две места во групата кои водат на континенталниот собир.
Нека помине денот победнички на фудбалски план, а зошто да не помине и точна прогнозата од страна на Одбојкарската федерација.