Директорот на Првата детска амбасада „Меѓаши“ во „Утрински брифинг“ на „Слободен печат“ зборуваше за последниот скандал со присуство на детска порнографија на социјалните мрежи.

– Општ пад на моралните вредности и губење на семејните вредности. Губење на контакт и комуникација на родителите со децата и една слика како функционира образовниот систем. Говори и за една отуѓеност и потреба на децата да привлечат внимание меѓу своите другарчиња, а притоа сликите се злоупотребении ставени на тапет – изјави Змијанац.

„Имаме неформални информации дека постојат, односно некои луѓе се дислоцирани и на други групи. Замислете дека интернетот е толку продорен што тие фотографии кои имаат светлина на денот не може да се избришат. Траумите кај децата се огромни и мора да се внимава дека тие што ги поседуваат тие слики и нивна дистрибуција е кривично дело кое предвидува пет до осум години затвор. Проблемот е сериозен“, рече Змијанац во „Утрински брифинг“.