Жители на град во Ломбардија без коронавирус: Бевме многу внимателни од првиот ден
Уште не е јасно зошто тој град, 50 километри југозападно од Милано, е потполно поштеден од заразата.
Додека во Италија бројот на мртви од последиците на коронавирусот и понатаму расте, еден тамошен град досега нема ниту еден заразен.
Станува збор за местото Ферера Ербоњона, кое има околу 1.100 жители и се наоѓа во Ломбардија, епицентарот на италијанската криза предизвикана од коронавирусот.
„Горди сме и среќни што кај нас е ваква ситуацијата, но не можеме да кажеме дека не сме уплашени, бидејќи луѓе умираат во градот до нас“, кажала локалната жителка Мери де Лука.
Уште не е јасно зошто тој град, 50 километри југозападно од Милано, е потполно поштеден од заразата.
„Бевме многу внимателни од првиот ден“, вели Де Лука, сопственичка на тамошна самопослуга.
„Нашите купувачи од самиот почеток на избивање на епидемијата носеа маски и ракавици“ дополнила таа.
Градоначалникот Џовани Фасино добил идеја да се тестираат жителите на антитела на коронавирусот. Но, сепак, покраинските здравствени власт ја одбиле понудата, бидејќи градоначалникот сакал испитувањето да го спроведе институт кој е надвор од мрежата на регионално одобрените лаборатории.
Во Италија досега со коронавирусот се заразени 105.000 луѓе, а починати се повеќе од 12.000. Во Ломбардија се 40 отсто од сите италијански случаи и две третини од починатите.
