Поранешниот заменик-министер за надворешни работи, Андреј Жерновски, вечерва во „Топ тема“ на „Телма“ рече дека доколку се точни информациите дека Владата преговара со Британија за прифаќање мигранти кои ќе бидат одбиени за азил во оваа земја, загрозени се стабилноста, безбедноста и иднината на државата.

Жерновски вели дека наводните преговори, кои Владата и премиерот Мицкоски демантираа дека се случиле или се случуваат, се поврзани со „стратешкиот договор“ со Бриатнија, кој македонските власти го потпишаа во мај годинава.

„Дали има поврзаност меѓу кредитот и мигрантите? – Има. Значи или нема да има во Македонија шест милијарди евра или нема да има мигранти. Едното со друго не оди, тоа е вистината за која ние прашуваме уште од мај. Што се крие позади овој договор прашуваме. Велика Британија уште од Брегзит, кога ги направи правилата за миграција има недостаток од 330.000 работни места. Таква Британија овде праќа работна сила, рече Андреј Жерновски“, рече тој.