Земјотресот ја замати водата во мавровско, надлежните со апел да не се пие
Јавното комунално претпријатие „Маврово“ утрово ги информира жителите на местата што се снабдуваат со вода во овој регион да не ја пијат водата од чешмите поради заматување.
Препорачано
Како причина се наведуваат земјотресите што утрово беа регистрирани во овој регион.
Земјотресот почувствуван во Скопје, Тетово, Гостивар, Битола и Прилеп
– Поради земјотресот, чиј епицентар беше во Мавровскиот Регион, дојде до заматување на водата за пиење во водоснабдителните мрежи. Ви препорачуваме извесен период, додека не се смират потресите, да не ја пиете водата директно од вашите чешми- објавија од Јавното претпријатие на својата фејсбук-страница.
Земјотресот што утрово во 4:54 часот беше почувствуван на цела територија на земјава бил со јачина од 5 степени според Рихтеровата скала, соопшти Сеизмолошката опсерваторија при Природно-математичкиот факултет во Скопје.
ВИДЕО: Земјотресот ги исплаши животните, тажни крици одекнаа од скопската зоолошка градина
Според првичните информации, епицентарот на земјотресот е во селото Леуново, во близина на Маврово, на длабочина од 8,5 километри.
Земјотрес од 5 степени во Гостиварско, пријавите од Балканот ја урнаа апликацијата „Ласт квејк“
