Зеленски му даде зелено светло на врховниот командант на вооружените сили на Украина за кадровски промени
Претседателот на Украина, Володимир Зеленски, вели дека врховниот командант на вооружените сили на Украина, Олександр Сирски, има одврзани раце за сите кадровски промени во армијата и во штабот, пишува Украинска Правда.
Препорачано
Зеленски рече дека на почетокот на следната недела, кога Сирски ќе се врати од линијата на фронтот, ги очекува неговите конкретни предлози за натамошни промени во армијата и планираните дејствија.
„Сите украински команданти мора да го знаат фронтот, да го почувствуваат фронтот, вистинските потреби, мора вистински да бидат со војниците, наредниците, да бидат такви какви што мора да бидат за да се постигнат украинските цели“, нагласи Зеленски.
Сирски вчера најави кадровски промени меѓу командантите на бригадите чии постапки, според него, претставуваат закана за животот и здравјето на подредените.
