Зелен коридор за увоз – извоз на храна и медицинска опрема

Очекуваме во наредните денови да се надмине проблемот со епидемиолошките услови што треба да ги исполнат возачите при транзитирање, а со тоа и компаниите слободно да ги планират набавките, вели директорот на Царинската управа Ѓоко Танасоски.

Приоритетни ленти за камионите со храна, репроматеријали за прехранбената индустрија, за медицинска опрема и материјали. Ова е темата која ќе ја разгледуваат директорите на царините од ЦЕФТА регионот кои попладнево преку видео конференција треба да договорат воспоставување т.н. зелен коридор.

Веруваме, дека многу бргу ќе се воспостави тој слободен промет што има значително влијание на ослободување на притисокот на производствените капацитети истакна директорот на Царинската управа Ѓоко Танасоски, по денешниот состанок во Министерството за економија на кој се разгледуваа опциите за овозможување слободен проток во ЦЕФТА.

Танасоски очекува во наредните денови да се надмине проблемот со епидемиолошките услови што треба да ги исполнат возачите при транзитирање, а со тоа и компаниите слободно да ги планират набавките.

 

Видео на денот