Огромен пожар вчера избувна во близина на аеродромот во францускиот град Бордо, а двајца пожарникари загинаа во обид да го стават огнот под контрола, објави „Суд уест“.

Пожарот избувнал околу 14:30 часот кај аеродромот Бордо-Мерињак, поради што голем број летови биле откажани.

🔴FRANCE 🇫🇷| Le Ministère 🇫🇷 de l’intérieur a annoncé que 2 sapeurs-pompiers sont morts en combattant l’incendie de végétation en cours près de l’aéroport de Bordeaux-Mérignac. Les flammes se propageaient désormais à des bâtiments mardi après-midi. Les décollages sont suspendus. pic.twitter.com/BPosCUd4sY

— Nanana365 (@nanana365media) July 21, 2026

„Штотуку дознав од префектот на Жиронд дека двајца пожарникари загинале додека гаснеле пожар во објект во Мерињак, во Жиронд“, соопшти министерот за внатрешни работи, Лоран Нуњез, додавајќи дека ќе отпатува на местото на настанот „што е можно поскоро“.

Огнот зафатил околу еден хектар тревна површина. Снимки од очевидци покажуваат облак од црн чад како се издигнува над аеродромот.

На терен биле испратени голем број пожарникари, а во гаснењето учествувале и воздушни сили.

Пожарот избувнал на површина што се граничи со долгорочниот паркинг П4 на аеродромот. Од аеродромот Бордо-Мерињак соопштиле дека огнот останал ограничен на подрачјето околу аеродромот и не ги зафатил неговите објекти.

ALERTE – Deux sapeurs-pompiers sont morts en combattant l’incendie de végétation en cours près de l’aéroport de Bordeaux-Mérignac, qui se propage à des bâtiments (ministre de l’Intérieur). pic.twitter.com/hSzZ06VTax

— Infos Françaises (@InfosFrancaises) July 21, 2026

Според министерот за транспорт, Филип Табаро, пожарот бил ставен под контрола околу 17:30 часот, по што полетувањата и слетувањата на аеродромот постепено се вратиле во нормала.

Во департманот Жиронд во вторникот било прогласено црвено ниво на опасност од шумски пожари поради екстремно сувата вегетација и неповолните временски услови.

Пожари беснеат низ Франција, луѓе се евакуираат по училишта и општински сали