Ракометарите на Пелистер го завршија настапот во Лигата на Европа откако вечерва во Битола загубија со 21:22 и во реваншот против Нексе.

Првиот натпревар кој се играше во Хрватска заврши со триумф на Нексе од 26:29, а вечерва во Битола со одлична игра во второто полувреме, успеаја да ја зачуваат предноста и да обезбедат пласман во четвртфиналето на Лигата на Европа.

Нексе сезонава нема максимален учинок против македонските екипи, покрај двете победи над Е. Пелистер, два пати беше совладан и Вардар во рамки на СЕХА Лигата (25:24,28:25).

Битолчани одлично го започнаа натпреварот со два гола на Мараш и Табоада. На спротивната страна погодуваше Јагањац, но потоа на сцена стапи одбраната на битолчани која цели шест минути не дозволи да биде совладан Секељи и во 17 минута ги имаше потребните плус четири (7:3). Големи заслуги за победата на Нексе има голманот Радовановиќ кој средбата ја заврши со 14 одбрани, а токму со две негови одбранети шута на Табоада, гостите намалија на 7:5.

Потоа следеше период во кој се играше гол за гол и така беше до 25 минута кога гостите дојдоа до израмнување 9:9. Токму со нерешен резултат се замина на пауза (11:11), но стартот на вториот дел му припадна на Нексе.

Гостите вториот дел го започнаа со мини серија од 0:3 со головите на Мелиќ, Томиќ и Јелиниќ за водство од 11:14. Во продолжение од средбата, битолчани се обидуваа да ја анулираат негативата, но честите грешки и промашувања во нападот беа премногу за да се дојде до победа над Нексе. На крајот, хрватскиот тим славеше со 21:22 и обезбеди пласман во следната рунда во Лигата на Европа.

Мандалиниќ со шест гола беше најпрецизен кај Е. Пелистер, а се истакнаа и Табоада со пет, Периќ и Мараш со по четири гола, додека во редовите на Нексе Јелиниќ даде пет гола.
Хрватскиот тим во следната рунда ќе игра против ГОГ Гудме кој беше подобар од Бидасоа.