Застрашувачкиот петок 13-ти, баксузен или не: Зошто петок и зошто 13?

Фото: Профимедиа

Денеска е петок 13, ден кој отсекогаш се сметал за ден со лоша среќа, а некои истражувачи објаснуваат и зошто е тоа така.

Според верувањата, секако, ова отсекогаш се сметало за најбаксузниот ден во годината, а поради тоа постојат и одредени претпоставки и теории за тоа како дошло токму овој ден да се смета за најлош.
Широко распространетото суеверие датира уште од Средниот век, а одредени историчари тврдат дека тоа бил денот кога Ева го натерала Адам да го касне јаболкото, кога почнал потопот и изградбата на Вавилонската кула.

Почетоцоите за верувањата и суеверијата поврзани со овој датум се поврзуваат за биографијата на италијанскиот композитор Џоакин Росини, кој починал на петок 13. Податоците покажуваат дека суеверието не било популаризирано се додека Ден Браун во книгата „Кодот на Да Винчи“ не пишува за темпларите кои се погубени на петок 13 во Франција. На петок 13 октомври, 1307 година, францускиот крал Филип четври наредил апсење на Жак де Молај, последниот голем мајстор на Витезите темплари. Уапсени се над илјада француски темплари.

Фото: Профимедиа

Повеќето се убиени, а Молај е запален во 1314 година…Поради тоа постои верување дека овој акт има потекло на верување во несреќа која ја донесува петок 13.

Во христијанството, Исус бил предаден од страна на еден од дванаесетте апостоли, односно Јуда, кој бил тринаесетти гостин кој дошол на последната вечера. Преминувањето на бројот дванаесет ја дисбалансира рамнотежата на природата на нештата, бидејќи луѓето на тоа гледале како на нерегуларно и покажување непочит кон перфекцијата. Така бројот 13 ја носи стигмата на несреќа или лоша среќа која ја знаеме денес.

Фото: Профимедиа

Зошто петок?

Петок се вклучува во сево ова, бидејќи распнувањето на Исус се случува во петок – нормален ден за распнување во Рим. Во Америка во доцниот 19 век, сите егзекуции се извршувале во петок.

Петок 13 станал најнесреќен од деновите бидејќи се комбинирале две суеверија во едно.

Реперкусиите на овие фобии одекнувале низ американската култура, особено во 20 век. Повеќето од зградите и хотелите немаат 13-ти спрат. Уличните адреси го прескокнувале бројот 13, додека аеродромите го прескокнувале 13-тиот терминал. Исто така и популарните филмови за Петок 13 се појавиле како идеја за правење пари врз основа на ова суеверие.

Фото: Профимедиа

Дали петок 13-ти е навистина несреќен?

Без оглед на вековното верување за ова суеверие, по сè изгледа дека сето тоа има психолошка основа. Едно истражување од 1993 година покажало дека статистички, најмногу несреќи се случиле на петок 13-ти, но авторите на ова истражување изјавиле дека иако овој датум бил точен, истражувањето било за забава и дека не треба да се сфаќа сериозно. Други истражувања не покажале корелација помеѓу работите, како на пример зголемување на несреќите или повредите на петок 13-ти.

Исто така петок 13-ти нема големо значење во некои други култури, кои имаат свои несреќни денови. Така на пример, кај Грците и Шпанците вторник 13-ти се смета за несреќен ден, додека Италијанците тврдат дека тоа е петок 17-ти.

Фото: Профимедиа

Според нумеролозите, бројот 13 „страда“ поради неговата позиција после бројот 12.

Има 12 месеци во годината, 12 хороскопски знаци, 12 богови на Олимп, 12 племиња во Израел, 12 апостоли на Исус.

Во тарот картите 13 е картата на смртта.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот