Американскиот хипи рок-музичар Џо Мекдоналд познат по прекарот „Кантри Џо“ почина во неделата во Калифорнија на 84 години, поради компликации од Паркинсонова болест, потврди неговата сопруга Кети Мекдоналд. Мекдоналд напиша стотици песни, од психоделични импровизации до рок композиции со соул влијание, a објави десетици албуми.

Особено се прослави со неговата најпозната антивоена химна „I Feel Like I’m Fixin‘ To Die Rag“ (1967), со која протестираше против Виетнамската војна и го направи ѕвезда на фестивалот Вудсток.

Песната, сепак, му донесе и професионални и правни последици. Во 1968 година, телевизискиот водител Ед Саливан го откажа настапот на неговиот бенд „Country Joe and the Fish“, а по настапот на Вудсток, Мекдоналд беше уапсен и казнет затоа што на концерт во Масачусетс повторно ја користеше истата воведна фраза, а тоа многу го забрза распаѓањето на бендот.

Мекдоналд продолжи да пишува протестни песни, меѓу кои и „Save the Whales“ (1982). Роден е во 1942 година во Вашингтон, а пораснал во Ел Монте, Калифорнија, каде како тинејџер сам научил да свири фолк, блуз и кантри на гитара.