Групата на кофинансирани специјализанти како и специјализантите од 2015 година останаа заложници на неизгласаните промени на Законот за здравствена заштита, како
дел од Предлог законот на 123-та седница на Собранието, наведуваат во соопштението група на кофинансирани специјализанти.

Со ова, велат тие на 30 лекари-специјализанти им е оневозможено да полагаат специјалистички испит, а со тоа и здравствениот систем останува покус за исто толку специјалисти. Во наредните 9 месеци уште 100 лекари-специјализанти нема да може да полагаат специјалистички испит. Исто така, 130 млади лекари на кофинансирана специјализација остануваат во неизвесност до некои подобри времиња.

-Поради сето ова, се обраќаме до Претседателот на Собранието, гдинот Талат Џафери и до сите пратеници, 47-та точка од 123 седница да биде изгласана пред новогодишните празници и со тоа еднаш засекогаш да се решат проблемите на повеќе од 250 млади
лекари. Се надеваме дека ќе имате слух за нашето барање и со тоа малку ќе придонесете за останување на младите лекари во земјава- наведуваат во соопштението од групата на кофинансирани специјализанти.