Загрижувачки фотографии од славната водителка: Поради болеста зглобовите и позелениле (ФОТО)
Американската водителка и претприемачка Венди Вилијамс (56) која од 2008 година го води популарното шоу „The Wendy Williams Show”, боледува од лимфедем.
Таа била сликана додека одела кон своето студио во Њујорк, а на неа јасно можело да се види што и направила оваа болест на нејзините зглобови.
Лимфедем е состојба која предизвикува отекување на нозете и стапалата, но и многу други проблеми, а глетката која загрижи многумина е тоа што нејзините зглобови позелениле.
Лимфедем е прогресивно отекување на меѓуклеточното ткиво, на одреден дел од телото, најчесто на еден или повеќе екстремитети, каде во меѓуклеточниот простор се наталожува лимфа, бидејќи не може да се излее ниту со лимфна ниту со венска циркулација.
Тоа е тешко, хронично, прогресивно, долготрајно и неизлечиво заболување.
Водителката неодамна во својата емисија откри дека изгубила 25 килограми за време на карантинот поради пандемијата на коронавирусот.
Венди во оваа прилика преку фустанот облече шик „Chanel“ капут и носеше „Hermes“ торба. На лицето носеше заштитна маска, а изгледаше и малку тажно.