Загина директорот на ридско-брзинската трка во Пробиштип!
Пред два дена Општина Пробиштип ги најави денешните официјални ридски трки кои се дел од шампионатот на Македонија во автомобилизам.
Во саботата се одржаа тренинзите, а денеска покрај свеченото отворање според програмата беа првата и втората трка.
За трките беа пријавени 30 учесници, а своето присуство го потврди и најуспешниот наш натпреварувач во автомобилизам, Игор Стефановски – Иџе.
Учесник во трката пред самиот финиш изгубил контрола над возилото и удрил во 62 годишниот Кире Андреевски-Кирца., директорот на трката кој го загуби животот.
Тој воедно беше член на Автомобилистичката федерација на Македонија информираше градоначалникот на Општина Пробиштип, Драган Анастасов.
–Сакам да изразам искрено жалење и сочувство до семејството и неговите другари од Автомобилистичката федерација на Македонија. Знаејќи ги сите ризици кои ги носи овој спорт посакувам ваквите немили настани да се што поретки или воопшто да не се случуваат – вели Анастасов.
Воедно се огласија и од „Custon Car Racing Team“ на својата фејсбук страница:
– Крајната неспособност на АФМ денес доведе до жртва!
На крајно небезбедна патека без банкини која незнаеме како можеле да ја лиценцираат и направат безбедносен план во Пробиштип каде овој викенд организираа ридско-брзинска трка згасна човечки живот кој беше удрен од тркачки автомобил на целта при тоа беше и дел од организацијата.
Одговорноста за овој настан треба да сноси целото раководство на АФМ а тоа се Ранко Станојковски, Павле Доневски и неговиот клуб Проспорт и Кристина Станојковска. Големо сочуство до фамилијата од нас како спортски клуб – пишува фејсбук страницата „Custom Car Racing Team“.