Шишињата за вода се одличен начин да останеме хидрирани во текот на денот, но нивното чистење често знае да биде вистински предизвик. Тесниот врат и тешко достапните делови го отежнуваат темелното миење, па во нив лесно се собираат бактерии и непријатни мириси.

Сè повеќе луѓе се откажуваат од пластичните шишиња за еднократна употреба и ги заменуваат со шишиња за повеќекратна употреба, кои се подобри за планетата и можат да бидат елегантен додаток. Сепак, овие шишиња понекогаш е тешко да се исчистат. Ако вашето шише е направено од непрозирна пластика или метал, не секогаш можете да видите дали има наслаги или мувла, но можат да се појават непријатни мириси, пишува „Дејли експрес“.

Трикови од „Кралицата на чистењето“

Линзи Кромби, експерт за чистење, објасни дека еден неочекуван основен елемент од кујната може да биде клуч за отстранување на мирисите од шишињата за вода. Таа користи ориз како природно абразивно средство.

Наполнете го дното на шишето со малку тврди зрна ориз. Додадете вода до половина од шишето и капка детергент за садови. Добро протресете и оставете преку ноќ. Наутро истурете ја водата и исплакнете. Тврдиот ориз помага да се отстранат темните наслаги и остава шишето чисто и сјајно.

@lynsey_queenofclean Smelly water bottles – I get asked about this ALL the time! 🫣 I’ve shared tips before (like using denture tablets ), but if you’ve got that stubborn mould patch or those little black spots, that’s not always enough… Here’s what to do instead: grab a handful of rice and follow along with my video it works wonders! 🙌 #queenofclean #homehack #cleaningtip #waterbottles #fyp ♬ Flowers – SoundAudio

Дополнителни совети

Можете да користите и четки за чистење, но тие тешко доаѓаат до сите тесни делови.

Таблетите за чистење на забни протези се одлична алтернатива: ставете една таблетка во шишето, додадете вода, затворете го капакот, протресете, оставете преку ноќ и наутро истурете и исплакнете со ладна вода.

Сода бикарбона исто така може да се користи: ставете ја во шишето со малку топла вода, протресете и оставете да дејствува.

За каменец

Често се појавува и каменец на врвот на шишето. За тоа, Кромби советува да се завитка парче кујнска хартија натопено со бел оцет околу погоденото место и да се остави 15 минути.

„Добро протресете, оставете преку ноќ, а наутро само истурете го содржината“, порача таа на своите следбеници.

Со овие едноставни трикови, чистењето на шишето за вода станува лесно, без потреба од скапи хемикалии или тешко достапни четки.