Македонската Влада ја поздрави денешната одлука на Европскиот суд за човекови права (ЕСЧП) во Стразбур како одлука во полза на државата која што потврдува дека жалбите на апликантите во целост се прогласени за недозволени вклучително и во делот за наводните помилувања.

„Аргументите на Владата во однос на недозволеноста на апликациите се целосно уважени од страна на ЕСЧП. Спротивно на тврдењата на апликантите, ЕСЧП не утврдува прекршување на Европската Конвенција за заштита на човековите права (ЕКЧП)“, соопшти владината прес-служба.

Одлуката која денес ја донесе ЕСЧП се однесува на 6 случаи од апликанти кои пред Судот во Стразбур ја тужеа Република Северна Македонија со наводи за повреда на ЕКЧП по член 5 и член 6. Со одлуката, Судот смета дека жалбите на апликантите се недозволени во принцип поради неискористување на домашните правни лекови.

Од Владата додаваат дека за земјава владеењето на правото е еден од највисоките приоритети, а „Владата во рамките на своите надлежности обезбедува поддршка за самостојно и независно функционирање на правосудниот систем без дополнителни коментари за да не се влијае на понатамошните процеси, бидејќи случаите се уште се во тек пред домашните судови.

Пендаровски ја поздрави одлуката на Судот во Стразбур: Тужбата против земјава е отфрлена