Вчера се поделени сите 100.000 туристички ваучери за летување во Србија од по 5.000 динари, изјави за агенцијата Бета, Урош Кандиќ, државен секретар во Министерството за туризам и млади.

„Аплицирањето за нови ваучери започна утрово и тие беа поделени за помалку од еден ден, што е рекорд досега“, рече Кандиќ.

Тој посочи дека тоа го потврдува големиот интерес на граѓаните да летуваат во Србија, поради што е одлучено да се обезбедат 500 милиони динари за оваа нова серија ваучери. Како што изјави Кандиќ, од 100.000 ваучери, 54 отсто биле поделени на пензионери, 29 отсто на вработени и 10 отсто на невработени.

Покрај најбараните дестинации Сокобања, Врњачка бања и Златибор, овојпат има и 4.200 угостителски објекти низ Србија, што е рекорден број на угостителски објекти во системот на ваучери досега.

Ваучерите може да се користат до 20 ноември годинава. Од 2015 година, кога е воведен овој систем, до 2022 година бројот на домашни туристи е зголемен од 1,3 милиони на повеќе од два милиони.