За плукање фудбалерите ги очекува суспензија од 12 натпревари!
Во Романија играчите треба да бидат оддалечени најмалку два метри едни од други за време на загревањето…
Според новиот протокол подготвен од романската фудбалска федерација (ФРФ) и професионалната лига на земјата, играчите во романската лига би можеле да бидат суспендирани и до 12 натпревари за плукање пред можното продолжување на сезоната.
ФРФ се надева дека ќе продолжи првенството на 13 јуни, но потребно е одобрение од тамошната Влада. Федерацијата ги прекина сите фудбалски натпреварувања кон средината на март.
Играчите би можеле да се соочат со забрана од шест до 12 натпревари и парична казна за плукање на теренот или дување на носот, информира „Ројтерс“. Тие, исто така, треба да се вратат дома облечени во дресот со кој играле на натпреварот.
Играчите треба да бидат оддалечени најмалку два метри едни од други за време на загревањето, додека на стартниот состав и на замените нема да им биде дозволено да бидат заедно пред мечевите.
Романската лига ќе продолжи без гледачи и не повеќе од 150 луѓе можат да бидат на стадионите..