Српскиот претседател Александар Вучиќ екрпресно му одговори на претседателот Зоран Милановиќ и рече дека ја поддржува неговата одлука за откажување на самитот „Брдо-Бриони“, пренесе Танјуг.

Вучиќ рече дека „за него нема место таму и дека отсекогаш сакал да оди и да положи цвеќе во Јасеновац како српски претседател, и дека тоа му било неспоредливо поважно“.

„Можам професионално да одам во Бриони, да ја слушнам другата страна, да разговарам, бидејќи никогаш не сум се плашел од дијалог“, вели Вучиќ.

Вучиќ смета дека Милановиќ не морал да го откаже целиот состанок, туку можел да го организира и без него.

„Што се однесува до изјавите на кои се повикува Зоран Милановиќ, јас не сум негово момче за задачи и јас не сум Пленковиќ, па тој мисли дека може да се изживува над мене како што се изживува врз некои свои луѓе или  претставници на други земји. Исто како што не сакам ниту Пленковиќ ниту Грлиќ Радман да ми диктираат што ќе кажам. Јас зборувам како слободен и либерален претседател на Србија и ја зборувам вистината“, рече Вучиќ.

Претседателот на Хрватска Зоран Милановиќ доцна попладнево објави дека нема услови за доаѓање на српскиот претседател во Хрватска, поради што одлучи да го откаже состанокот од процесот „Брдо-Бриони“.

Милановиќ не го сака Вучиќ во Хрватска, го откажа самитот „Брдо-Бриони“