На социјалните мрежи се појави вознемирувачко видео од упад на израелската армија и граничната полиција на Западниот Брег, на кое се гледа како војници брутално убиваат двајца Палестинци само неколку секунди откако се предадоа. Според информациите, ова се случило вчеравечер во близина на Џенин.

Министерството за правда на Израел веднаш започна истрага, иако крајнодесничарскиот министер за национална безбедност Итамар Бен-Гвир веднаш застана во одбрана на војниците, пишува „Гардијан“.

На видеото се гледа како израелски војници опколуваат објект, а потоа со помош на багер ја кршат вратата, по што двајцата мажи излегуваат на колена и креваат раце, покажувајќи дека се невооружени. Потоа, петтемина полицајци ги креваат своите автоматски пушки и пукаат, соборувајќи ги жртвите на земја.

You can’t watch this video and not hate Israel.

Israeli soldiers EXECUTE two young Palestinian men at point-blank range AFTER they surrendered near in the northern occupied West Bank.

This apartheid must end. Boycott and shun everything to do with it.
pic.twitter.com/kyR55cqTzd

— ADAM (@AdameMedia) November 27, 2025

Израелските одбранбени сили (ИДФ) потврдија дека двајцата мажи се убиени за време на заедничка операција и наведоа дека пукањето е „под истрага на теренските команданти и ќе биде проследено до надлежните експертски тела“. ИДФ ги опишува загинатите како лица што извршиле терористички активности, но видеото предизвика остри реакции во јавноста.

Министерот Бен-Гвир, пак, изјави дека го поддржува постапувањето на граничната полиција.

„Борците постапија точно како што се очекуваше – терористите мора да умрат“, рече тој.

Меѓународната заедница жестоко реагираше. Џереми Лоренс, портпарол на Канцеларијата за човекови права на ОН, осуди „дрското убиство“ и го нарече „очигледно вонсудско погубување“. Израелската организација за човекови права Б’Тселем истакна дека егзекуцијата е резултат на „дехуманизација на Палестинците“ и отсуство на одговорност во Израел.

Дватајцата убиени мажи беа идентификувани од Исламски џихад како Јусеф Асаса (37), командант на терен, и Махмуд Абдала (26), борец во вооруженото крило Бригадите Ал-Кудс. Иако се членови на милитантна организација, егзекуцијата на невооружени затвореници според меѓународното право се смета за воено злосторство.