На улица „Индира Ганди“ во Скопје вчера попладне, околу 14:47 часот, се случила сообраќајна несреќа во која учествувале две возила, „Ауди“ и „Цитроен“.

Според информациите од МВР, „Ауди“-то го управувал 30-годишниот Б.Б. од Скопје, кој по увидот бил приведен, откако било утврдено дека возел под дејство на алкохол со 1,98 промили во крвта.

Во несреќата повредена е 23-годишната М.С., сопатничка во „Цитроенот“ кој го управувал 22-годишниот Е.Р.

Б.Б. е лишен од слобода, а по целосно документирање на случајот ќе добие кривична пријава за „безобѕирно управување со моторно возило“ по член 297-а од Кривичниот законик.