Аталанта во последните седум натпревари нема пораз во Серија А, има пет победи и само два нерешени резултати кои ја искачија на петтото место на табелата и сето тоа без капитенот Папу Гомез кој поради кавгата со тренерот Џанпјеро Гасперини наскоро ќе го напушти клубот.

Тренерот Гасперини воопшто не сметаше на капитенот Гомез на последните седум натпревари, но нивната „војна“ не е прекината туку доби нова „мултимедијална компонента“.
Гасперини вели дека неиграњето на Папу Гомез е од тактички причини.

– Па што ако Гомез не игра. Излезе дека тоа е добро за екипата. Сакав да пробам нова поинаква верзија на тимот. Бевме во проблеми и Гомез едноставно не се вклопуваше, мојот избор е од чисто тактичка природа. Видов дека патиме на средината на теренот и одлучив Мартен де Рон и ремо Фројлер да имаат поголема помош. Го правевме тоа и во минатото, но овој пат ниту едната страна не сакаше да ја прифати одлуката – изјави Гасперини.

Папу Гомез претходно изјавуваше дека се ќе објасни кога ќе си замине од Аталанта, но не можеше да ја премолчи оваа изјава на тренерот. Тој на своето „стори“ на Инстаграм постави 12. снимки на кои се гледа како игра на левата страна и како им помага на соиграчите, но и во креирањето на играта.

The Papu Gómez-Gasperini rift shows no signs of healing – the Argentine has posted a series of Instagram stories highlighting his positions during matches, in response to his manager’s claim that Gómez’s absence is down to an inability to adapt to his new system in midfield. pic.twitter.com/HS6SsxopRC

— Get Italian Football News (@_GIFN) January 10, 2021

Италијанските медиуми сметаат дека ова не е вистинската причина за кавгата помеѓу капитенот и тренерот, дека работите се далеку посериозни и дека управата е ставена пред избор – или ќе си замине Папу Гомез или Џанпјеро Гасперини.