Во стилот на Марота: Четири нови фудбалери доаѓаат во Интер бесплатно?!
Директорот на Интер, Џузепе Марота е познат по тоа што често успева да привлече играчи во својот клуб на кои им истекуваат договорите.
Италијанските медиуми пренесуваат дека Марота ќе обезбеди четворица играчи следната зима кои од следната сезона ќе го носат дресот на „нераѕурите“.
Прв на листата е 20-годишниот дефанзивец на Лил, Тиаго Џало, Португалец на кого му предвидуваат голема иднина.
Вториот е соиграчот на Елиф Елмас од Наполи, Полјакот Пјотр Зиелински, кој веќе се поврзуваше со клубот од Милано.
Тука е и играчот од средниот ред на Вест хем, Томаш Соучек, додека четврти на листата е напаѓачот на Порто, Мехди Тареми.