Во римската вила Барберес Суд во Виљахојоса, Шпанија пронајдени се повеќе од 4.000 нови фрагменти од мурали кои ги украсувале просториите на почетокот на 2 век.

Истражување на остатоци од Римската империја врши компанијата „Алебус патримонио хисторико“ и општинската археолошка служба, соопшти „Вила Музеу“.

Работата на површина од 842 квадратни метри им овозможи на археолозите да ги откријат подовите на вилата изградена во времето на императорот Трајан.

Ѕидовите на вилата се направени од набиена земја и се верува дека се срушиле во собите и во дворот. Во една од просториите се зачувани срушените ѕидови, а под нив и обоениот гипсен слој. Секој фрагмент од овие мурали бил внимателно извлечен од урнатините и сочуван.

Експертите успеале да реконструираат една плоча со 22 фрагменти кои покажуват богата декорација на растителни венци и птици и на врвот со калапи.