ВО СЕЌАВАЊЕ НА ЛЕГЕНДАТА: Коби Брајант со македонското знаме
Еден од најдобрите кошаркари во историјата на НБА лигата, Коби Брајант вчера загина во хеликоптерска несреќа, која ги одзеде животите и на неговата ќерка и на уште седум лица.
Целиот свет се сеќава на успехот на Брајант кој кариерата ја помина во Лос Анџелес Лејкерс, каде освои 5 шампионски титули. Така, по социјалните мрежи се најде слика од Брајант, со уште една легенда од американската кошарка, Трејси Мекгрејди и македонските „стрит бол“ играчи од 1998 каде тие го држат македонското знаме.
Хеликоптерот во кој се наоѓале девет лица, вклучувајќи ги Коби Брајант и неговата ќерка, летал и покрај големата магла при падот во калифорниското место Калабасас, што и се смета од првичните информации како причина за неговата смрт.