Општина Ѓорче Петров и годинава е покровител во одбележувањето на големиот христијански празник Богојавление-Водици.  Осветување на водите ќе се одржи в петок, на 19 јануари, традиционално на две места во општина Ѓорче Петров, односно чесниот крст ќе се положува во водите на реките Лепенец и Вардар.

На Лепенец положување на крстот ќе се одржи во 11 часот кај последна 22-автобуска станица. Пријавувањето на заинтересираните кои сакаат да учествуваат во чинот е на телефонскиот број 02 20 55595. Втората локација каде верниците ќе се обидат да го фатат крстот е мостот во Хром, со почеток во 12 часот, а граѓаните кои сакаат да учествуваат треба да се пријават во канцелариите на Св. Петар и Павле.

Општина Ѓорче Петров ги повикува граѓаните заедно и масовно да го одбележат овој важен ден во христијанството, денот кога Свети Јован Крстител го крстил Господ Исус Христос во реката Јордан.