Во мај и јуни поголема реализација на капиталните инвестиции
Предвремено се завршуваат работите на регионалниот пат Прилеп-Тополчани-Битола.
Реализацвијата на капиталните инвестиции во патната инфраструктура во земјава се одвива одлично. Посилна реализација се очекува во месеците мај и јуни, најави министерот за транспорт и врски Горан Сугарески.
Тој најави дека рехабилитацијата на регионалниот пат Прилеп-Тополчани-Битола, што се врши прв пат по пет децении, би можела да заврши и побрзо од предвидениот рок.
Како што истакна паралелно се работи на другата инфраструктура во регионот, особено на рехабилитацијата на околу 10 километри од Фариш-Дреново на патниот правец Градско-Прилеп.
– На регионалниот пат Прилеп-Тополчани-Битола наскоро се очекува да бидат поставени оградите и до крајот на овој месец да биде завршен.. Очекуваме комплетно да биде завршена делницата Фариш-Дреново на патниот правец Градско-Прилеп. Поставен е првиот слој на асфалтот, останува да се постави вториот слој. Станува збор за 10-ина километри и очекуваме за 10 до 12 дена целосно да биде завршена рехабилитацијата на оваа делница.