Македонската фудбалска репрезентација в четврток во Копенхаген ќе го одигра бараж натпреварот против Данска за пласман на Светското првенство, но покрај случувањата на теренот, возбудувања ќе има и меѓу навивачите.

Имено, за истиот ден е закажан пријателски фудбалски дуел меѓу навивачите на Македонија и Данска, кој ќе претставува своевидно загревање пред главниот натпревар.

Овој меч ќе се одигра од 13:30 часот на спортскиот комплекс Кловермаркен во Копенхаген, каде што се очекува добра атмосфера.

Кога во прашање е главниот натпревар, стадионот „Паркен“, каде што ќе се игра официјалниот натпревар, има капацитет од околу 38.000 гледачи и веќе е целосно распродаден. За македонските навивачи обезбедени беа околу 1.000 билети, па и нашите фудбалери ќе имаат поддршка од трибините.

Панчев пред баражот со Данска: Важно е да веруваме во себе, нема да биде лесно