Луѓето кои се позитивни на коронавирус се најзаразни од првиот до петиот ден, покажуваат студиите на експертите од Светската здравствена организација.

– Со многу ограничени информации кои сега ги имаме, се чини дека луѓето имаат најголем количина на вирус во телото пред избивање на симптомите или кога почнуваат да ги развиваат – соопшти Марија ван Керков, епидемиолог во СЗО.

Прелиминарните студии спроведени во Германија и САД покажуваат дека луѓето со благи симптоми можат да бидат заразни осум до девет дена, а оние со потешки симптоми и многу подолго, истакна Керков.

Некои експерти ја доведоа во прашање нејзината изјава дека луѓето кои немаат симптоми на коронавирус многу ретко можат да заразат други, нагласувајќи дека таквите насоки би можеле да бидат проблематични. На ова Керков реагираше дека некои луѓе не развиваат симптоми, но сепак можат да заразат други луѓе.