Новата премиерка на Финска, Сана Марин (34), се заложи за воведување на флексибилен работен распоред, кој ќе се состои од четири работни дена и шест работни часа дневно, пренесува „Дејли меил“.

Марин, која во моментов е најмладата шефица на влада во светот, соопшти оти планот ѝ е да ја испроба иницијативата.

– Сметам дека луѓето заслужуваат да поминуваат повеќе време со своите семејства, со најблиските, со своите хобија и со други аспекти на животот, како што е културата. Ова може да биде нашиот следен чекор во работниот живот – пренесе британскиот медиум.

Сега, нормалната работна недела во оваа скандинавска земја трае осум часа дневно, пет дена во неделата.