Партиите од власта поднесоа своја Резолуција како одговор на резолуцијата за мигрантите објавена минатата недела од СДСМ. Во контрарезолуцијата поднесена од пратеници од ВМРО-ДПМНЕ, ЗНАМ и Вреди, пишува дека таа е за „осуда на манипулациите на опозицијата и за потврда на политиките против нелегалната миграција“, и е составена од девет точки. Со неа, како што рече координаторот на пратеничката група на ВМРО-ДПМНЕ, Никола Мицевски, „еднаш-засекогаш се става крај на манипулативната тема со мигрантите“.

Со Резолуцијата, вели дека се осудува секое манипулативно однесување и се утврдува дека се става крај на сите шпекулации и лажни манипулации со наводно прифаќање мигранти и изградба на кампови за мигранти во државата и со која јасно и недвосмислено се исцртува рамка на мигрантската политика.

„По ширењето на лажни вести, невистини и манипулации од страна на СДСМ, ВМРО-ДПМНЕ како државотворна партија подготви резолуција со која еднаш засекогаш ставаме точка на измислената тема за мигранти од СДСМ. Со оваа Резолуција потврдуваме дека Владата и Собранието никогаш нема да дозволат да се преговара за мигранти. Граѓаните да бидат спокојни, ВМРО-ДПМНЕ се грижи за безбедноста на народот, изјави Мицевски.

Тој нагласи дека Резолуцијата е поднесена денеска и се очекува веќе утре да се најде на дневен ред.

Во однос на резолуцијата од СДСМ, и дали ја разгледале, Мицевски рече дека не веруваат во чесна намера и од таа причина ја поднесуваат оваа Резолуција во која се наведуваат сите потребни елементи.

Николоски во Лондон го потпиша најголемото задолжување во независна Македонија