Владејачките социјалисти во Португалија го зголемија своето водство во новите анкети во пресрет на предвремените избори на 30 јануари, но се уште немаат владејачко мнозинство, пишува Ројтерс.

Последните анкети покажаа дека партијата на сегашниот премиер Антонио Коста има 39,6 отсто од гласовите, што е повеќе од претходните 37 отсто во изминатиот месец.

Иако тоа се најдобрите резултати на Социјалистичката партија (ПС), тие сепак ќе имаат проблеми околу формирањето на мнозинството.

Гласањето покажа дека Социјалдемократите (ПСД), имаат пад во популарноста кај граѓаните, со 30%, помалку од претходните 31,7% во декември.

Второто истражување, спроведено од весниците Jornal de Negocios и Correio da Manha, потврди дека ПС остана фаворит за изборите, но само со 29% од гласовите, што е намалено во однос на 29,4% во последниот месец. Според нивните анкети ПСД имаат 24,1 отсто од претходните 22,2 отсто.

Според овие анкети бројот на неопределени гласачи е околу 18%

Во октомври, двајцата поранешни сојузници на премиерот Коста – комунистите и левиот блок – застанаа на страната на десничарските партии за да ги отфрлат барањата околу средствата на малцинските власти, предизвикувајќи предвремени избори.

Левиот блок и комунистите во првичните анкети добија 6,4% и 5% од гласовите, а седум% и 4,9% во анкетата на португалските весници.

Според секоја анкета, Левиот блок останува трета по големина партија, веднаш над екстремно десничарската Чега.

Во првичните анкети беа опфатени 600 луѓе од 30 декември до 9 јануари. Анкетите на весниците беа спроведени од 4 до 10 јануари и во неив беа анкетирани 615 лица.