Американскиот претставник Стив Виткоф изјави дека Вашингтон сè уште сака да постигне мировен договор во војната со Иран, но под услов Техеран да се откаже од збогатувањето на ураниум.

„Мислам дека претседателот Доналд Трамп сака мировен договор, но тој исто така верува во мир преку сила“, рече Виткоф, додавајќи дека без притисок, противникот не може да се доведе на преговарачката маса.

Тој нагласи дека САД се подготвени да го решат конфликтот дипломатски, но дека таков договор мора да го вклучи Иран без збогатување на ураниум, што е клучен процес за развој на нуклеарно оружје.

„Не смееме да имаме уште една Северна Кореја на Блискиот Исток. Тоа целосно би го дестабилизирало регионот и светот“, рече тој, објави Тајмс оф Израел.

Северна Кореја успешно тестираше нуклеарно оружје во 2006 година, а оттогаш редовно тестира ракети од различен дострел.