Вистинско богатство: Рачно напишани стихови од Џими Хендрикс споени по 55 години
Две половини од рачно напишани стихови со потпис на легендарниот гитарист Џими Хендрикс беа споени 55 години подоцна, пишува „Guardian“.
Американскиот музичар бил во рана фаза од својата кариера кога неговиот бенд Jimi Hendrix Experience свирел во павилјонот „Beth“ на 20 февруари 1967 година.
Пред концертот, две девојчиња на возраст од 15 и 16 години дошле на вратата зад сцената за да побараат автограм. Хендрикс излегол, но им рекол дека нема празен лист хартија на која ќе им се потпише. Наместо тоа, искинал страница од тетратка, ја скинал на половина, а потоа ги потпишал двата дела.
View this post on Instagram
На пат кон дома, тинејџерките ги погледнале потписите што ги добиле и биле изненадени кога виделе дека на другата страна од листот има рачно напишани стихови со наслов „51-st Anniversary“.
Свои потписи им дале и членовите на бендот, Мич Мичел и Ноел Рединг. Само три недели подоцна, оваа песна била објавена како Б-страна на неговиот втор хит-сингл, „Purple Haze“.
View this post on Instagram
Двете пријателки подоцна се оддалечиле бидејќи нивните животи тргнале во различни правци, а со нив и двата стиха. Но, минатата година едната од нив влегла во продавницата за рокенрол-сувенири „Tracks Limited“ во Ланкашир за да ѝ ги проценат трите автограми и ракописот.
На барање на продавницата, таа успеала да стапи во контакт со пријателката од тинејџерските денови, која, за среќа, сѐ уште го чувала својот автограм од Хендрикс. Двете жени, кои сакале да останат анонимни, прифатиле да ги продадат своите автограми за сума која се проценува дека е петцифрена.
Гитарата на Џими Хендрикс продадена на аукција за 216.000 долари