Шпанскиот ракометен клуб Ваљадолид во своите редови ќе има уште еден Македонец, од следната сезона боите на оваа екипа ќе ги брани средниот бек Виктор Карапалевски.

Потсетување дека од сезоната 2022/2023 за тимот настапува левото крило Димитар Димитриоски.

Официјално Ваљадолид го промовираше Карапалевски кој потпиша договор до јуни 2026 година со опција за продолжување на соработката.

Средниот бек ќе го има своето прво искуство надвор од нашата земја, во последните пет сезони 24-годишниот играч настапуваше за Вардар.

– Многу сум среќен што сум во тим со голема традиција – вели битолскиот централен бек кој повторно ќе соработува со Давид Писонеро, поранешен тренер на Вардар.