Викендов во Англија може да биде израмнет еден од најголемите рекорди во историјата на Премиер лигата
Викендот кој следи во Премиер лигата може да биде и исторски бидејќи Џејмс Милнер е на чекор да израмни голем рекорд.
Препорачано
Доколку ветеранот настапи во дресот на Брајтон на дуелот против Кристал палас, тој ќе го одигра својот 653. натпревар во англиската елита и ќе се израмни со рекордот на легендарниот Герет Бери.
Со 40 години и повеќе од две децении континуиран настап во најсилното првенство во светот, Милнер е вистински пример за професионализам и долговечност.
Својот дебитантски настап во Премиер лигата го забележа како тинејџер во дресот на Лидс, а во историјата влезе кога со 16 години и 352 дена стана најмладиот стрелец во лигата, постигнувајќи гол против Сандерленд. Во текот на богатата кариера настапуваше и за Свиндон Таун, Њукасл и Астон вила, пред да ја има најуспешната фаза во Манчестер сити.
Посебно место, сепак, зазема и периодот минат во Ливерпул, каде што Милнер го освои трофејот во Лигата на шампионите, како и титулата англиски шампион, дополнително зацврстувајќи го својот статус на еден од најголемитее фудбалери во историјата на Премиер лигата.
