ВИДЕО | Живот на Марс?: Роверот на НАСА откри разновидни органски материи на Црвената планета
На површината на Марс повторно се пронајдени органски молекули, кои би можеле да им дадат на научниците резултати за тоа дали некогаш постоел живот на Црвената планета, пишува „Ројтерс“
Препорачано
Слични молекули кои содржат претежно јаглерод, водород, кислород, азот и сулфур претходно биле откриени во метеоритите на Марс и во кратерот „Гејл“ на оваа планета.
Овој пат, роверот „Упорност“(„Perseverance“) на НАСА, откри органски соединенија во кратерот „Језеро“, древен езерски слив со „висок потенцијал“ за живот во минатото. Наодите сугерираат дека во минатото можеби постоел покомплексен систем, отколку што претходно се мислеше.
Со новите сознанија за оваа органска материја експертите може да откријат дали некогаш имало живот на Марс. Но, откритието на истражувачите веднаш не им укажува на постоење на живот.
Овие молекули се поврзани со животот и биолошките процеси, но може да се создадат и од небиолошки процеси.
Тимот предводен од истражувачи од Калифорнискиот институт за технологија, го објави своето откритие во списанието „Нејчр“(„Nature“). Тие рекоа дека може да има голем број објаснувања за потеклото на органската материја, вклучувајќи интеракции помеѓу водата и карпите, или наслаги од меѓупланетарна прашина или метеори. Но, биотичкото потекло ,добиено од живи организми не е намалено.
„Присуството и дистрибуцијата на зачуваната органска материја на површината на Марс може да обезбеди клучни информации за јаглеродниот циклус на Марс и потенцијалот на планетата да биде домаќин на живот низ нејзината историја.“, напишале авторите на студијата.
Тие објасниле дека потенцијалните органски молекули во голема мера се наоѓаат во минерали поврзани со водени процеси, што покажува дека овие процеси можеби имале клучна улога во органската синтеза, транспорт или зачувување.
Тимот вели дека примероците ќе треба да се вратат на Земјата за анализа во лабораторија, за да се потврди потеклото на молекулите.
One thing I’m #SamplingMars for is organic molecules, the “building blocks” of life. The rock I got these two samples from has signals suggesting they may be present. Signs of biology, or another process, maybe? Hear why scientists would love to study sample #6 or #7 up close: pic.twitter.com/cQheyDqybd
— NASA’s Perseverance Mars Rover (@NASAPersevere) July 12, 2023
