Името на Оливие Жиру со златни букви ќе остане запишано во историјата на францускиот фудбал. Против Полска напаѓачот на Милан го прескокна Тиери Анри и стана најдобар стрелец на Франција на сите времиња.

Анри и Жиру имаа по 51. гол до денешниот натпревар на Франција против Полска во кој Жиру стигна до својот 52. репрезентативен гол. Жиру одлично ги искористи додавањето од Мбапе и во стил на голем стрелец ја смести топката зад грбот на Шчесни.

Меѓутоа пред да го постигне голот Жиру имаше ситуација во која промаши и празен гол од неколку метри, сепак подоцна се „извади“ и го покажа својот квалитет.