Фудбалерите на Милан како гости ја победија Џенова со 1:0 во осмото коло од италијанската Серија А. Во финишот права драма, а секако детал од натпреварот е дека напаѓачот Оливие Жиру застана на голот и ја одбрани победата и првото место за „Росонерите“.

Еден удар на Милан во голот во првото полувреме и тоа беше сè, слично беше и во понатамошниот период од мечот, но Кристијан Пулишиќ стави крај на агонијата на гостите.

Се играше 87 минута кога Муса го проигра соиграчот од американската репрезентација, Пулишиќ одлично ја зеде топката и успеа да ја затресе мрежата на немоќниот Мартинез.

Give Giroud the Yashin Trophy in my opinion 😭pic.twitter.com/vJzM7cetmk

— Football Report (@FootballReprt) October 7, 2023

simplesmente o giroud de goleiro KKKKK pic.twitter.com/WqbwZipzYR

— ygᶜʳᶠ (@yagodacrf) October 7, 2023

Фудбалерите на Алберто Џилардино тргнаа на сè или ништо да го избегнат поразот, непромисленото истрчување на Мењон значеше исклучување на францускиот голман, па поради сите направени измени Жиру застана во голот на Милан.

Гудмундсон шутираше од слободен удар, а гостите имаа среќа бидејќи по контактот на играчот топката се одби од пречката, по што исклучување заработи и голманот на Џенова, Мартинез.

Имаше Жиру и една интервенција, па благодарение на истата Милан конечно ја преживеа драмата во Џенова од која излезе како победник и воедно моментно е на првото место на табелата со 21 бод. Џенова е на 15 позиција со осум бодови.