ВИДЕО | Жилиет Бинош, Марион Котијар, Изабел Ипер… Француските актерки ја сечат косата во знак на солидарност со Иранките
Познатите француски актерки, меѓу кои Жилиет Бинош, Марион Котијар и Изабел Ипер, отсекоа прамен од косата во знак на протест поради смртта на Махса Амини, 22-годишна Иранка која падна во кома откако беше уапсена од полицијата за морал во земјата.
„За слобода“, извикнала Жилиет Бинош и со ножици отсекла полна шака од својата коса и ја вперила во камерата.
View this post on Instagram
На славната актерка во потстрижувањето на косата како знак за поддршка на младата Иранка ѝ се придружија и други француски актерки и пејачки од А-листата, меѓу кои Марион Котијар и Изабел Аџани.
Како музика во позадина за видеоснимките на кои сечат прамени коса свири италијанската песна „Бела чао“ (Bella Ciao) на персиски јазик.
Амини беше уапсена на 13 септември во Техеран поради „несоодветна облекување“, а почина три дена подоцна во болница, што предизвика бранови протести во Иран во кои досега загинаа повеќе од 130 луѓе, според податоците на организациите за човекови права.
„Махса Амини беше злоставувана од полицијата за морал сѐ додека не настапила смрт. Таа беше обвинета само поради тоа што го носела превезот на несоодветен начин. Таа почина затоа што ѝ се гледаа неколку прамени од косата“, стои во текстот што го придружува видеото на профилот на Инстаграм објавен од #soutienfemmesiran (Поддршка на жените од Иран).
Објавата брзо се прошири и на другите социјални мрежи.
View this post on Instagram
„Жените во Иран очекуваат поддршка од меѓународната заедница. Ова е убав начин да се покаже таа поддршка“, рекол за Ројтерс францускиот адвокат Ришар Седиљо, кој ја покренал акцијата.
„Ова е само првиот чекор, се надевам дека ќе го следат сите во светот, не само актерките туку сите. И мажите би можеле да се потстрижат, мислам дека и тоа ќе се случи“, додал Седиљо.
Адвокати, медиумски личности и други жени во Франција го следеа примерот на познатите актерки.
Својата коса во Европскиот парламанет во текот на пленарната седница во средата ја отсече и шведската пратеничка Абир Ал-Сахлани, родена Ирачанка.
– Сѐ додека Иран не биде слободен, нашиот гнев ќе биде поголем од угнетувачите. Додека Иранките не бидат слободни, ние ќе бидеме покрај вас – рекла таа пред да си го отсече „коњското опавче“.
View this post on Instagram
Протестите во Исламската Република се одржуваат секој ден откако Макса Амини почина на 16 септември во притворот на полицијата во Техеран, откако беше приведена поради неправилно носење хиџаб.
Иранските власти се плашат од вистината – 18 новинари уапсени од почетокот на протестите
Тага и бес во Иран! На протестите убиена и позната инфлуенсерка