Околу 70 илјади граѓани се наоѓаат во Белградска арена вечерва и во околината, на митингот на Српска напредна партија (СНС) кој почна во Белградската арена околу 16 часот, соопшти српското Министерство за внатрешни работи. Официјалниот дел, со говорот на претседателот на Србија Александар Вучиќ, започна во 18 часот со пеење на српската химна „Боже на правдата“. Вучиќ најави победа на изборите и смета дека ќе владее до 2030 година.

Голем број граѓани се собраа пред Арената, држејќи ги знамињата на Србија и на СНС, а пред салата беа поставени чадори со иницијалите на претседателот на Србија, како и балони во боите на српското знаме, пренесува Еуроњуз.

Министерот за внатрешни работи Ивица Дачиќ, кој неодамна беше хоспитализиран поради здравствени проблеми, им се обрати на присутните  и им изрази благодарност на две лица кои, како што вели, влијаеле врз него сериозно да ја сфати  ситуацијата: српскиот претседател Александар Вучиќ и неговата сопруга Сања.

Тој им се заблагодари на лекарите и на сите што се грижеа за неговото здравје. Ги повика своите поддржувачи и членови да гласаат во поддршка на заедничката листа на СНС и СПС на локалните избори, нагласувајќи дека е уверен во победата.

Зборувајќи за ситуацијата, Дачиќ нагласи дека Србија многу пати била „на работ на смртта“, но дека секогаш победувала и дека повторно ќе победи.

По министерот Дачиќ, беше најавен српскиот претседател Александар Вучиќ.

Тој прво ја изрази својата благодарност до оние што како што вели, „ја бранеле Србија на 15 март минатата година“.

-Гледам транспарент пред мене. Не знам колку сите други можат да го видат, во горниот дел. На тој транспарент некој напишал 15.3.2025. Пред малку повеќе од една година беше тешко време, големо време за Србија, земја нападната одвнатре. И на денот кога сакаа конечно да ја соборат Србија, на денот кога сакаа да извршат државен удар, на денот кога многу државни институции ја сменија страната против државата, на денот кога многумина мислеа дека странските интереси конечно ќе бидат остварени и дека Србија ќе биде на колена, вие граѓани на Србија, особено вие млади, вие што го држевте тој транспарент, застанавте во срцето на градот, во центарот на Белград и рековте: „Ние сме на бранител на татковината, не навредуваме никого, не зборуваме ништо против никого. Но, ние сме тука и нема да ви ја дадеме нашата Србија“. Моја вечна благодарност, не затоа што вие „Не затоа што ме браневте мене, туку затоа што ја зачувавте и браневте нашата Србија. И на овие трактористи кои ја заштитија Србија, кои останаа без своите машини. И на вас кои стоевте покрај вас, ви благодарам, Србија никогаш нема да ве заборави, рече Вучиќ.

Претседателката српскиот Парламент Ана Брнабиќ, ги обвини странците дека „ги блокираат изборите“.

-Ние не бараме поддршка од странци, туку од нашиот народ. Тие велат дека некој го принудува овој народ да дојде, а тука можете да видите љубов, единство. Не можете да го уценувате или принудувате нашиот народ. Ова се луѓе кои дојдоа да го поддржат претседателот, неговиот тим, рече Брнабиќ.

Таа рече дека на социјалните мрежи во пресрет на митингот имало многу навреди.

-Ни испраќаат најлоши навреди, дека сме добиток, дека сме во трло, а потоа утре ќе побараат глас и ќе бидат изненадени што не го добиваат, рече таа.