ВИДЕО: Винисиус Јуниор навредуван на расна основа во емисија, Реал веднаш реагираше
Напаѓачот на Реал Мадрид, Винисиус Јуниор (22), одлично ја започна сезоната, постигнувајќи четири гола на пет натпревари во најсилната шпанска лига.
Бразилски репрезентативец головите ги прославува со танц, што е карактеристично за голем број јужноамерикански фудбалери, односно популарната „самба“.
Во една емисија Винисиус Јуниор поради таквото танцување доби критики од Педро Кастро, претседател на Здружението на шпански агенти.
– Ако постигнете гол и потоа танцувате самба, одете на Самбодром. На теренот мора да ги почитувате колегите и да престанете да се однесувате како „мајмун“ – рече Кастро во емисијата „Ел Чирингито“.
Откако го слушнал зборот „мајмун“, водителот го прекинал неговиот говор и му рекол дека не може така да им се обраќа на луѓето.
Во петокот навечер се огласи и клубот од стадионот „Сантијаго Бернабеу“.
– Реал Мадрид ги осудува сите расистички и ксенофобични испади во светот на фудбалот и спортот, но и во животот воопшто, а особено ги осудуваме коментарите упатени кон нашиот играч Винисиус Јуниор во последните неколку часа. Реал Мадрид сака да ја покаже љубовта што ја има кон Винисиус, фудбалер кој разбира дека единствениот однос кон фудбалот е оној заснован на радост, почит и спортски дух. Фудбалот е најглобален спорт што постои и мора да биде пример кога се во прашање вредностите на соживот. Клубот ги овласти нашите адвокати да покренат правна постапка против секој што ги навредува нашите играчи со расистички испади – соопшти Реал Мадрид.
⚪️ EL REAL MADRID DEFIENDE A VINICIUS ⚪️
😁💃 El club destaca que el jugador "entiende el fútbol desde la ALEGRÍA, el RESPETO y la DEPORTIVIDAD".
❌ Condena también los ataques racistas. pic.twitter.com/ZUARAvptQ2
— El Chiringuito TV (@elchiringuitotv) September 16, 2022
Винисиус дојде во Мадрид од Фламенго во 2018 година, а минатата сезона на 35 натпревари во шпанското првенство постигна 17 гола и запиша 10 асистенции.
Real Madrid have condemned alleged racist abuse aimed at Vinicius Junior and will take legal action over those involved. pic.twitter.com/nG2j0jngZQ
— Sky Sports News (@SkySportsNews) September 16, 2022