До кога ќе трае растот на инфалицијата. Помината е магичната бројка од 10%. Многумина велат дека се приближуваме до неверојатните движења од 1997 година. Како ќе се воспостави контрола на порастот на инфлацијата.

-Вчера ги завршивме најновите макроекономски проекции. За жал тоа што светот го очекуваше во октомври, а тоа е некоја стабилизација и нормализација на сите економски текови не се случи од едноставна причина што во овој меѓупериод, светот, особено Европа се соочи со еден многу голем шок, удар, а тоа е руската инвазија на Украина, која што има економска цена и носи економски штети за цела глобална економија , изјави за Утрински брифинг вицегувернерка, м-р Ана Митреска.

Таа додава дека една од тие штети е растот на цените.

-Ова беше очекувано затоа што се работи за две земји кои што се едни од најголемите извозници, глобални снабдувачи на пазарите на храна, енергенси, а тоа се разбира дека понатаму се пренесува врз инфлациите во останатите економии, вели таа.

Вицегувернерката вели дека инфлацијата која што ја имаат објавено е 8,8 проценти и таа е темелена на одредени претпоставки.

-Има голема промена за претпоставките за увозните цени. Ако очекуваме увозената инфлација во октомври да биде околу два проценти сега е шест. Цените на примарните производи, енергенсите, цените на храна, на житариците – корекциите се нагорни, со оглед на овој удар и шок којшто се случува, вели вицегувернерката.

Таа додава дека Има глобални заеднички фактори кои ја движат инфлацијата и речиси да нема земја каде инфлацијата не е во пораст.

-Голем дел од овие движења кај нас се увезени, а притисокот од домашната потрошувачка е мал. Сепак се очекува стабилизирање на инфлацијата некаде на околу 3 проценти, рече Митреска.

Запрашана дали е возможна девалвација на денарот, вицегувернерката е децидна дека тоа не може да се случи:

-Девизните резерви се солидни и здрави. Монтерната политика е оценета како адекватна. И нема потреба од панично заговарање на тези околу стабилноста девизниот курс ниту има причини за промена на вредноста на курсот, а од друга страна имаме заштитни механизми за управување на стабилноста и одржувањето на стабилноста на девизниот курс. И во тој контекст апсолутно нема потреба од грижа околу стабилноста на девизниот курс, рече вицегувернерката.

Целиот разговор погледнете го во видеото: