Денеска во 20 коло од најсилното шпанско првенство, фудбалерите на Валенсија триумфираа со 4:1 на гостувањето кај Кадиз.

Дуро во осмата минута донесе предност за гостите, а домаќините израмнија од пенал во 21 минута кој го реализираше Алкараз.

На стартот од вториот дел Валенсија ја врати позитивата со погодокот на Лопез, а во самиот финиш од средбата го потврди триумфот со головите на Гуера (90+4`) и Вазкез (90+8`).

За Валенсија ова е трета победа во низа за моментно осмо место со 29 бодови, додека Кадиз е во опасната зона за испаѓање на 18 позиција со 15 бодови.

Најпријатното изненадување сезонава во „Ла Лига“, Жирона овој пат ги разочара своите навивачи играјќи само 0:0 кај последнопласираната Алмерија.

Жирона повторно е на врвот на табелата со 49 бодови, еден повеќе од второпласираниот Реал Мадрид кој својот меч од оваа рунда ќе го има на 21 јануари дома против Алмерија.