Пејачот Никола Перевски попознат на јавноста како Пере од групата „Нокаут“ дефинитивно ужива во улогата на татко. Имено, Пере има четири ќерки, две од првиот брак, две од вториот, а времето поминато со нив честопати знае да го сподели на социјалните мрежи.

Така, овој пат Пере објави видео на својот инстаграм-профил од тоа како ја вози својата ќерка Софиа (постарата ќерка од бракот со Јована) на велосипед кон градинка додека врне.

Во видеото, малата Софиа е опремена со кабаница и чадорче и очигледно ужива градската авантура со својот татко.

„Скопско дете накај градинка, се насмевнува на дождот, како да е сончево. Дождот е само уште една причина за играње“, напиша Пере во описот на видеото.

ФОТО | „Се роди уште едно трилече“: Пере од „Нокаут“ стана татко по четврти пат, доби уште една ќерка