Едногодишно момче во Њујорк се најде во ужасна ситуација откако питбул го нападна, оставајќи го со скршена нога и рани кои барале повеќе конци. Нападот се случил на прометна улица во Менхетн, пред очите на минувачите.

На вознемирувачката снимка од ужасниот напад кој се случил во неделата наутро, се гледа како кучето го држи момчето во своите вилици. Неколку минувачи веднаш притрчале и се обиделе да го одвојат питбулот од левата нога на момчето, при што еден постојано го клоца животното, додека друг човек му ја држи главата стисната.

„Викнете полиција!. Нека го тргне некој! Некој, ве молам“, се слуша како вика мајката на детето.

A pit bull attacked a toddler on the streets of New York, but luckily a bystander was quick enough to choke the dog before it could do further harm the child.😳 pic.twitter.com/Yh6btEwVVm

— Rain Drops Media (@Raindropsmedia1) December 23, 2025

Според „Њујорк пост“, двегодишниот Диско Буба, како што се вика кучето, го пуштил детето дури кога некој го зграпчил за гениталиите.

„О, Боже. Има дупка во ногата на ова момче“, рекол преплашен сведок.

Таткото на момчето подоцна им кажал на полицајците дека питбулот го нападнал неговиот син кога ја видел ногата на момчето како се ниша пред него додека го кревал во раце.

Сопственикот на кучето мирно си заминал со кучето и чекал на автобуска станица, додека минувачите ја чекале њујоршката полиција.

Иако полицијата објави дека нема да бидат поднесени обвиненија против сопственикот на кучето, семејството на младото момче вели дека ќе бараат други начини да го убијат кучето, а чичкото на момчето вели: „Овој питбул слободно оди, ова е опасно“.