Капетанот на бродот „Кралица Џенувија 2“, кој се насука на карпи покрај југоисточниот брег на Јужна Кореја во среда вечер, е уапсен откако беше откриено дека разговарал на телефон во времето на несреќата.

Поточно, според информациите од Би-би-си, сите 267 патници (246 лица и 21 член на екипажот) биле спасени од крајбрежната стража, додека 27 лица се здобиле со полесни повреди од судирот во близина на ненаселениот остров Џогдо, покрај брегот на островот Џангсан во округот Синан.

Покрај капетанот на бродот, крајбрежната стража го уапси и првиот офицер на „Кралицата Џенувија 2“.

All 267 people on board a South Korean passenger ferry that ran aground off the southwestern tip of the Korean peninsula have been rescued, in an incident that revived memories of the major ferry disaster in 2014 in which 300 people died https://t.co/PDRHuJrJd0 pic.twitter.com/tj1lytSeCK

— Reuters (@Reuters) November 20, 2025

Во истрагата, капетанот првично го обвини за дефект на управувањето, но подоцна призна дека зборувал на телефон и го пропуштил моментот во кој требало да го промени курсот.

Траектот сега е закотвен во блиското пристаниште. Властите велат дека сè уште ја истражуваат точната причина за несреќата.

Некои патници ја опишаа несреќата на социјалните мрежи.

„Се слушна силен тресок, а потоа бродот се навали. Во соопштение се бараше од сите да облечат елеци за спасување, па ги облековме и чекавме на горната палуба“, рече еден патник, пренесе јужнокорејската новинска агенција Јонхап.

All 267 people were rescued on Wednesday from a passenger ferry that ran aground in waters off western South Korea, according to the coast guard https://t.co/FYSnWQiqk2 pic.twitter.com/Y4t9PM6Ige

— China Xinhua News (@XHNews) November 20, 2025

Бродот од 26.000 тони се движел кон пристанишниот град Мокпо откако тргнал од островот Чеџу, соопштија властите.

Областа е близу до местото каде што потона фериботот „Севол“ во 2014 година, при што загинаа повеќе од 300 луѓе, претежно ученици на училишна екскурзија.