Тревис Скот им приреди на своите обожаватели посебно изненадување за време на концертот во Токио минатата сабота, 8 ноември. Тој ја донесе на сцената својата седумгодишна ќерка Сторми, која ја има со ријалити ѕвездата и претприемачка Кајли Џенер, објави „Пипл“.

@travworldflame Travis brought Stromi out in the sold out stadium show in Tokyo 🤎 Follow @travworldflame more 🔥‼️ ##travisscott##travisscottedits##travisscottconcert##travisscottlive##travisscottfans #laflame ♬ original sound – FLAME

Сторми се качи на сцената за време на изведбата на песната „Thank God“ од 2023 година. Облечена во маица со принт и крзнено палто, со косата во шарени плетенки, малата Сторми се насмевна и танцуваше покрај својот татко. Носеше чепови за уши за да ги заштити ушите од гласната музика и еуфоричната публика во Белуна Доум.

Во еден момент, Скот ѝ го подаде микрофонот за да го отпее нејзиниот дел од песната: „Така е, тато“, на што продолжи со репликата: „Сторми е малолетна, но знаете дека живее на големо.“ Потоа раперот ја повика публиката да ја поздрави неговата ќерка, што беше дочекано со громогласен аплауз.

@nastiillie flashing lights #travisscottconcert #kanyewest #japan #tokyo ♬ оригинальный звук – настили

Но тоа не беше единственото изненадување на вечерта. На Скот на сцената му се придружи Канје Вест, кој на почетокот се појави со маска на лицето. Кога ја симна и го откри својот идентитет, публиката беше воодушевена. Двајцата рапери изведоа неколку песни заедно, вклучувајќи го и хитот на Вест од 2004 година „Through the Wire“.