ВИДЕО | Торонто го урна шампионот и се искачи на третото место на Истокот
Кошаркарите на Торонто репторс ја победија Оклахома сити тандер со конечен резултат 103:101 и се искачија на третото место во Источната конференција.
Препорачано
Тимот на Дарко Рајаковиќ го запиша четвртиот последователен триумф и направи големо изненадување на гости против најдобриот тим во НБА лигата.
Оклахома, од друга страна, беше поразена по втор пат по ред, што им се случи по трет пат оваа сезона.
Натпреварот беше многу неизвесен, а Торонто успеа да остане во игра до завршницата, во која се покажа како подобар противник и заслужено триумфираше.
WHAT A PLAY BY SCOTTIE BARNES 🚫
RAPTORS WIN IN OKLAHOMA CITY! pic.twitter.com/RBtuIG1Stc
— NBA (@NBA) January 26, 2026
До победата ги предводеше Имануел Квикли со 23 поени и 11 асистенции, додека Ар Џеј Барет постигна 14 поени. Брендон Инграм го заврши натпреварот со 13 поени, а Скоти Барнс, Грејди Дик и Сандро Мамукелашвили постигнаа по 10.
Шеј Гилџес-Александар го предводеше домашниот тим со 24 поени. Лу Дорт додаде 19, а Кенрич Вилијамс имаше 15 поени.
НБА лига, резултати:
Оклахома – Торонто 101:103
Сан Антонио – Њу Орлеанс 95:104
Финикс – Мајами 102:111
ЛА Клиперс – Бруклин 126:89
